Миний охин унтаж байхдаа Испани хэлээр маш их хараалын үг хэлдэг байв. Мэдээж тэр Испани хэл мэддэггүй байсан.
Сэрээд нүдээ нээтэл миний гурван настай хүү надаас нэг метрийн зайд байдгаараа инээчихсэн, над руу цоо ширтээд зогсож байлаа. Би хүүгээсээ “Чи юу хийж байгаа юм бэ?” гэж асуухад тэр “Юу ч хийгээгүй” гэж хэлчихээд үргэлжлүүлэн инээсээр байсан юм. Энэ үед тэр хоёр гараа ардаа нуусан байсныг нь би мэдээд “Чи ямар нэгэн зүйл нуугаа юу?” гэхэд тэр бас л “юу ч биш ээ” гэлээ. Гэсэн ч би түүний нуруу руу өнгийн харвал тэр гартаа гэрийнхээ хамгийн том хутгыг барьчихсан байсан юм.

Бага дүү минь усанд орох тун дургүй байв. Тэр надаас дөрвөн насаар дүү учир түүнийг усанд оруулах үүрэг надад оногддог байлаа. Тухайн үед миний дүү 3-4 настай л байсан байх, тэгээд би нэг орой түүнээс яагаад усанд орох дургүй талаар нь асуусан юм. Гэтэл тэр миний нүд рүү хараад яг ингэж хэлсэн юм даа: “Намайг хөлөг онгоцон дээр явж байхад асар том мөсөн уул мөргөж, бидний сууж явсан онгоц сүйрч хүмүүс бүгд үймэж эхэлсэн.

Удалгүй би аймшигтай их даарч эхэлсэнээ санаж байна. Үүний дараа хурц гэрэл гарч би маш дулаан газар очин миний дараагийн гэр бүл ирж намайг авахыг хүлээж эхэлсэн”. Үүнийг сонсмогцоо ээж бид хоёр түүнийг усанд оруулах ажлаа шууд зогсоосон юм. Титаник хөлөг онгоц 1912 оны дөрөвдүгээр сарын 15-нд сүйрсэн, харин миний дүү 1992 оны дөрөвдүгээр сарын 15-нд төрсөн байдаг.

Тэр 6 билүү 7 настай байсан байх, би түүнийг тэврээд нүүрийг нь зөөлхөн хазалж, идэж байгаа мэт дуу гарган эрхлүүлж байлаа. Хүү минь ч инээд алдаад хөгжилтэй байв. Маргааш нь харин намайг сэрэхэд хүү минь дэргэд ирчихсэн “Аав аа, би таныг хэзээ ч идэхгүй ээ. Харин оронд нь таны нүүрний арьсыг хуулж аваад баг хийж өмсөнө” гэж билээ.

Миний хүү 4-5 настай байх үед л юм даа. Нэг орой түүнийг унтахаас нь өмнө бид хоёр угаалгын өрөөндөө хамт шүдээ угааж байлаа. Гэтэл нөхөр маань шүдний сойзоо унагахад нь би авч өгөхөөр тонгойтол тэр миний нүд рүү харж байсан хэрнээ миний ар тийш заагаад “Аав аа, таны ард зогсож байгаа хүн яагаад хутгатай байгаа юм бэ?” гэсэн.

Нэг найзын маань хүү нь аавдаа ингэж хэлсэн байдаг: “Аав аа, би танд үнэхээр хайртай. Бүр маш их. Иймээс би таны толгойг таслаад хаа явсан газраа авч явмаар байна”

Би долоон настай хүүгээс ийнхүү асуув: “Яаж хурдан найз охинтой болох вэ?”

Харин түүний хариулт ийм байв: “Миний найз охин бол, эсвэл чи эцэг эхийгээ хэзээ ч дахиж харж чадахгүй болно шүү гэж хэлэх”