Нөхөртөө зодуулсан хэмээн шуугиад байсан эмэгтэйн бодит үнэн

 

 

Олон нийтийн сүлжээгээр элдэв нүд хальтрам төрхтэй зургууд янз бүрийн тайлбартайгаар хөврөх болсон. Гэвч эдгээр мэдээллийн үнэн бодит эсэх нь тодорхойгүй байтал иргэд жинхэнэ мэтээр хүлээн авч түгээн дэлгэрүүлэх нь ч нэлээдгүй болжээ.

 

Саяхан нярайлаад удаагүй нэгэн эхийн зураг сошиал сүлжээгээр тарж “Дөнгөж амаржсан бүсгүйг нөхөр нь зоджээ, Жирэмсэн эхнэрээ ингэтэл нь зоддог ямар арчаагүй эр вэ” гэх зэрэг тайлбартайгаар олон нийтийг цочирдуулаад байгаа юм.

 

Тэр ч бүү хэл зарим нэгэн пэйж хуудсанд энэ эмэгтэйг Монгол бүсгүй мэтээр тайлбарлаж байна.

Тэгвэл энэхүү мэдээллийн мөрөөр нягтлан шалгахад уг эмэгтэй нөхөртөө зодуулсан бус автомашины осолд орсон байна. Ингээд “DailyMail” вэб сайтад гарсан мэдээллийг орчуулан хүргэж байна.

 

Английн Манчестер хотод 30 настай Вэй Лю хэмээх бүсгүй нөхрийнхөө хамт гэр рүүгээ явж байхдаа автомашины осолд оржээ. Найман сартай жирэмсэн бүсгүй ослын үеэр маш хүнд гэмтэл авсан тул эмч нар эх, хүүхдийн аль нэгнийх нь амийг аврах боломжтой хэмээн нөхөрт нь хэлжээ.

 

Ингээд яаралтай мэс засал хийж, хүүхдийг кесеровын аргаар эсэн мэнд төрүүлжээ. Төрөх хугацаанаас нэг сарын өмнө хорвоод мэндэлсэн бяцхан хүүгийн биеийн байдал харьцангуй сайн байсан гэнэ. Харин Вэй Лю комын байдалд орж, гурван өдрийн турш ухаангүй үхэл амьдралтай тэмцсэний эцэст ухаан орж, биеийн байдал нь сайжирч эхэлсэн байна. Ийнхүү алтан гартай эмч нарын буяанд ээж, хүү хоёр хоёул эсэн мэнд байгаа төдийгүй 40 хоногийн дараа эмнэлгээс гарчээ.

access_time 2017-10-03 13:23

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt