Амиа хорлох зориулалтын бүхээгийг танилцуулжээ


Амстердам хотноо болсон буяны үйлчилгээний үзэсгэлэн дээр амиа хорлох зориулалтын төхөөрөмжийн загварыг танилцуулсан байна.

Уг төхөөрөмжийг голланд дизайнер Александр Баннинк, амьдралын заалтаар “хөнгөвчлөх” үйлчилгээг хуульчлуулахаар олон жил тэмцэж байгаа Австралийн олон нийтийн идэвхтэн Филип Ничке нар зохион бүтээжээ.

Энэхүү машин нь азотын агууламж бүхий гол хэсэг, амиа хорлохыг хүсэгч хэвтэх капсулаас бүрдэнэ. “Тэнд хэвтсэн хүн бага зэргийн толгой эргэлтийг мэдрэн, удалгүй ухаан алдаж нас барна” хэмээн Ничке тайлбарласан байна.

Зохион бүтээгчид энэ оны эцэс гэхэд төхөөрөмжийг бүтээж дуусах бөгөөд өөрсдөө хийхэд зайлшгүй шаардлагатай мэдээлэл болон зураг төслийг интернетэд байршуулна гэжээ.

Филип Ничке 1996 онд Австралийн Хойд хэсэгт сайн дураар амиа егүүтгэхийг хуульчлуулж чадсан хэдий ч тус орны эрх баригчид уг хуулийг удалгүй хүчингүй болгосон аж. Гэвч тэрүүхэн богино хугацаанд дөрвөн ч хүн түүний тусламжтайгаар нөгөө ертөнцөд одоод амжсан байж.

Дашрамд сонирхуулахад, 2008 онд Германд эдгэршгүй хүнд өвчтэй хүмүүс амьдралаас сайн дураараа явахад зориулсан машин бүтээгдэн, түүнийг Германы улстөрч, эмч Рожер Куш дэмжиж байсан билээ.

Эх сурвалж: Breakingnews.mn

access_time 2018-04-17 17:51

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt