Ханиаднаас Болж ”Нүд Ирмэхийн Зуурт” Амиа Алджээ

Бодибилдингээр хичээллэдэг, эрүүл саруул, 21-хэн настай Кайлер Бауман хэмээх залуу ханиаднаас болж ганцхан өдрийн дотор амиа алдсанд ар гэрийнхэн нь гүн цочролд оржээ.
Талийгаачийн ээж хүүгээ амьдралын идэвхтэй, фитнес заал руу байнга явдаг нэгэн бөгөөд хувийн дасгалжуулагч болохоор сурч байсан гэдгийг хэлэв.

Тэр аймшигтай өдөр хүү нь ажлаасаа ирэхдээ муухай ханиалгаж байсан гэнэ. “Тэр гэртээ ирээд хэвтээд өгсөн. Маш их ханиалгаж, бас цээж нь өвдөж байна гэж хэлж байсан” хэмээн түүний сүйт бүсгүй өгүүлжээ. 48 хүрэхгүй цагийн дотор түүний бие огцом муудаж, тэрбээр эмнэлэгт хүргэгдсэн байна. Кайлерт хиймэл амьсгалын аппарат залгаснаас хойш хэдхэн цагийн дараа амьсгал хураажээ.

Үхлийн шалтгаан нь түүний бие ханиадны вирүсээр халдварласнаас болж гүн цочролд орсноор нас барсан гэнэ. Талийгаачийн эцэг, эх огцом хүйтрэлээс үүдэлтэй энэхүү аймшигтай, гэнэтийн үхлийн аюулын талаар хүмүүст анхааруулахыг хүсчээ. Кайлерын аав Тодд “Биедээ анхаарал тавьж бай. Хэрвээ чи ханиад хүрээд энэ нь хэдэн өдөр үргэлжилвэл битгий даамжруул. Бушуухан арга хэмжээ ав” хэмээн захисан байна.

access_time 2018-04-12 18:53

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt