Афганистаны парламентын сонгууль хойшлогджээ

Удаан хүлээгдсэн Афганистаны парламентын сонгууль хойшлогдлоо гэж “Ройтерс” агентлаг мэдээллээ.

Афганистаны Сонгуулийн ерөнхий хорооноос ням гарагт гаргасан мэдэгдэлд дурдсанаар, энэ оны долдугаар сард хийхээр товлоод байсан парламентын сонгуулийг тус улсын аюулгүй байдал муудаж байгаатай холбоотойгоор 10 дугаар сарын 20-ныг хүртэл хойшлуулсан байна. Тус улс төлөвлөгөө ёсны дагуу бол парпаментын сонгуулийг гурван жилийн өмнө хийх ёстой байсан юм.

Лалын босогчдын “Талибан”, “Лалын улс” зэрэг бүлэглэлийнхэн тус улсад террорист халдлага үйлдэж, засгийн газрын байгууламжууд руу халдсаар байгаа нь сонгуулийг хойшлуулах гол шалтгаан болжээ.

Тус улс ерөнхийлөгчийн сонгуулиа ирэх онд хийхээр төлөвлөсөн байна.

Ажиглагчдын хэлснээр, террористуудыг бүрэн дарж авахаас нааш тус улс сонгуулиудаа аюулгүй хийж чадах эсэх нь эргэлзээтэй байна.

КАБУЛ. /Ройтерс/.

access_time 2018-04-02 10:20

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt