2 настай охиныг удаа дараа дайруулахад хэн ч туслахгүй байгаа бичлэг дэлхий нийтийг цочроож байна


Хятадын 2 настай Ван Юу гэдэг охин Гуандонг мужийн Фошан аж ахуйн дэлгүүрийн гадаа эцэг эхийнхээ хараа хяналтгүй явж байгаад машинд дайруулсан бичлэг гудамжны камерт бичигджээ. Охины аав тус хөдөө аж ахуйн дэлгүүрийг ажиллуулдаг бөгөөд тэрээр ажилдаа хамаг анхаарлаа хандуулсан байх үеэр охин нь машинд дайруулсан аж. Хэдийгээр бяцхан охин амиа алдаагүй боловч хөлөө дайруулсан учир босч чадахгүй тийчэгнэн хэвтэж байсан аж. Харин гудамжинд алхаж явсан хүмүүс ч юу ч болоогүй юм шиг хийдэг ажлаа л хийж байжээ. Нүд хальтрам дүрс бичлэгийг олон нийтэд бүтнээр нь үзүүлээгүй юм. Бичлэгт охиныг дайрсан жолооч юу ч болоогүй юм шиг бууж харчихаад цааш яваад өгсөн бол цус нөжөндөө хутгалдан босч чадахгүй хэвтэж буй бяцхан охиныг араас нь ирсэн машин хурдаа хасалгүй мөн л дайраад явсан байна. 10 гаруй минут өнгөрсний дараа 58 настай эмэгтэй барьж явсан шуудайтай зүйлээ хаян, охин дээр гүйн ирж, замаас холдуулж тавьжээ. Үүний дараа өөр нэгэн ирж охиныг аван анхны тусламж үзүүлж, Гуанжоу хотын цэргийн эмнэлэгт яаралтай хүргэсэн ч одоогоор биеийн байдал тун хүнд байгаа гэнэ. “Хэн нэг нь жаахан охин зам дээр явж байхад холдуулж болно доо” гэж охины амийг аварсан эмэгтэй ярьсан бол охины ээж болсон явдалд өөрийгөө буруутгасаар байгаа юм байна. Цагдаа нар бяцхан охиныг дайрсан 2 машины жолоочийг улсын дугаарынх нь дагуу мөшгиж баривчилсан. Жолооч нар охины ээж аавд нь мөнгө амласан боловч тэд татагалзжээ. Тус бичлэг Хятадын YUOTUBE сайтны хувилбар Weibo сайтанд тавигдсан даруйд хамгийн их хандалт авсан бичлэг болжээ. 4 сая гаруй үзэгч Хятадын засгийн газар хүмүүст хүн чанар, ёс зүйтэй байхыг заадаг боловч үнэн хэрэг дээрээ Хятад хүмүүс, Хятадын нийгэм харанхуй, арчаагүй байгааг илчэлснийг бичсэн байна. Үзэгчид машины жолооч болон хүүхэд дайруулчихаад хэвтэж байхад юу ч болоогүй юм шиг хажуугаар нь өнгөрсөн хүмүүсийг хараан зүхсэн сэтгэгдэл ихээр үлдээжээ. Урд нь олны дунд гудамжинд явж байгаад гэмтэж бэртсэн настай хүнд туслах гэж оролдсон хүмүүс өөрсдөө буруудаж, шүүхээс тэдэнд мөнгөн торгууль ноогдуулж байсан гэнэ. Цаад учир нь Хятадын засгийн газар хөгшдийн өндөр үнэтэй халамж, нийгмийн хангамжаас зайлсхийсэн гэж барууны орнууд шүүмжилсэн байна. Гэмтсэн хүнд тусласан хүн өөрөө буруутдаг гаж тогтолцоо бяцхан охинд мөн нөлөөлж, гудамжинд явж байсан хүмүүс мэдсэн ч мэдээгүй юм шиг өнгөрсөн байж болох юм. Харин зарим Хятад иргэд Ван Юу охиныг аварсан эмэгтэйг олонд танигдаж, нэр алдарт хүрэх гэсэн алхам хийсэн гэж үзэх болжээ

Хэдэн насны зөрүүтэй хосууд хоорондоо төгс зохицдог вэ?
Таны эргэн тойронд олон насны зөрүүтэй хосууд байдаг уу? Тэдний харилцаа ээдрээтэй аль эсвэл гайхалтай сайхан санагддаг уу? Олон жилийн турш сэтгэл судлаачид, секслогичид, бүр цаашлаад энгийн хүмүүс гээд бүгдээрээ л хосуудын насны зөрүүний талаар янз бүрийн бодолтой байдаг ба хамгийн тохиромжтой нь яг хэдэн нас гэдгийг одоо хүртэл тайлж чадаагүй л байна. Ингээд эрдэмтдийн хийсэн судалгаа нь дээр тулгуурлаж, хосуудын насны зөрүү тэдний амьдралд хэрхэн нөлөөлдөг талаарх сонирхолтой мэдээллийг хүргэе

Эмэгтэйн эрэгтэйгээсээ 10-15 насаар дүү

Эрэгтэйн эртний дуу сонсох дуртай бол эмэгтэйн орчин үеийн поп дуу сонирхож, унадаг дугуй унахыг эрмэлздэг байна. Ийнхүү сонирхлын зөрчил үүсдэг ажээ. Залуу эмэгтэй цана, тэшүүр гээд хөдөлгөөн шаардагдсан зүйлд дуртай байх бол эрэгтэй нь харин аюултай спортоос татгалздаг. Хэрвээ тэд хүүхэдтэй болох юм бол нас өндөр гарсан аав нь хүүхэдтэйгээ тоглож хөөцөлдөх нь юу л бол

5-7 насны зөрүү

5-7 насны зөрүүтэй үед хосуудын физиологийн болон сэтгэл зүйн наснаас бүх зүйл шалтгаалдаг ажээ. Заримдаа 30 настай эмэгтэй өөрийнхөө наснаас залуу харагдах боломжтой бөгөөд харин эрэгтэй нь 35 насандаа хөгшин харагдах боломжтой. Үүнд мэдээж архи, тамхи, ажлын стресс, ген гэх мэт зүйлүүд нөлөөлөх болно.

0-5 насны зөрүү

Ийм насны зөрүүтэй эхнэр, нөхрийг хамгийн тохиромжтой хосууд хэмээн үздэг байна. Учир нь тэд бараг л нэг үед өссөн бөгөөд дуу, кино гэх мэт сонирхол нь ойролцоо, хамтдаа хөгжих боломжтой ажээ. Тэд хамтдаа аялж, суралцаж, биеийн тамираар ч хичээллэхдээ халуун дотно харилцааг үүсгэж чаддаг байна. Эцэст нь та хостойгоо хэдэн насны зөрүүтэй вэ? Дээрх мэдээлэлтэй санал нэгдэж байна уу

Зурхай: Гуравдугаар сард таныг юу хүлээж байна вэ?
ХОНЬ

Ажил хэрэг, мөнгө санхүү: Ажил үйлс хэвийн байх болно. Албан тушаал дэвших, байр сууриа бэхжүүлэх боломжтой. Бизнес эрхлэгчид чухал түнштэй холбоо тогтоох магадлалтай. Бүх зүйлийг цаг тухайд нь хийхийг хичээгээрэй. Санхүүгийн байдал сайжрах бүрэн боломжтой ч бүх зүйл таны хичээл зүтгэлээс шалтгаална.

Хайр дурлал, гэр бүл: Энэ сард таныг романтик учралууд хүлээж байна. Зөвхөн хайрлаж дурлаад зогсохгүй, сүй тавих, хуримын тов тогтоох ч магадлал өндөр байна. Харин гэр бүлтэй хүмүүсийн хувьд үл итгэх, хардах хандлага давамгайлж, хэрүүл маргаан гарах магадлалтай. Иймээс аль болох тэвчээртэй байж, харилцан нэгнээ ойлгохыг хичээгээрэй.

Эрүүл мэнд: Сарын дундуур бие өвдөж магадгүй. Хүнд өвчин биш боловч таныг нэлээд тавгүйтүүлэх бололтой. Гэмтэж бэртэхээс сэргийлж, согтууруулах ундаа хэтрүүлэн хэрэглэхээс татгалзаарай.

ҮХЭР

Ажил, мөнгө санхүү: Энэ сард та тусламжгүйгээр олон ажлыг амжуулж, чадвараа нотлон харуулж чадна. Ур чадвараа нэмэгдүүлж, суралцахаа зогсоох хэрэггүй. Эрсдэлтэй боловч нэлээд орлоготой ажлын санал хүлээж авах бололтой. Шийдвэрээ сайтар тунгааж, үр дүнг нь тооцоорой. Харин ажилдаа дуртай, тууштай нэгэнд ямар ч хямрал тохиохгүй.

Хайр дурлал, гэр бүл: Ганц бие хүмүүс хайр дурлалд яарах хэрэггүй. Учир нь энэ сард хайр дурлалын харилцаа бүтэмж муутай байх бөгөөд та сэтгэлээ шархлуулах магадлалтай. Харин гэр бүлтэй хүмүүсийн тухайд харилцаандаа шинэлэг зүйлийг туршиж үзэх хэрэгтэй. Гэхдээ зарим хүмүүс гэр бүлээс гадуур харилцаанд сэтгэл татагдаж мэдэх юм.

Эрүүл мэнд: Зарим нь хүнд өвчин тусч магадгүй. Хууч өвчин сэдэрч, ядарч туйлдах магадлалтай. Дархлаагаа сэргээж, эмчилгээ сувилгаа хийлгэх хэрэгтэй. Хоолны дэглэм баримтлаарай.

ИХЭР

Ажил, мөнгө санхүү: Ажил хэрэгт гэнэтийн таагүй асуудлууд үүсч мэднэ. Шийдвэрлэх арга замыг хайх явцад бусдын өмнө толгой бөхийх ч хэрэгтэй болж мэднэ. Төлөвлөгөө гаргаж, шинэ санаагаа хэрэгжүүлэхийг хичээгээрэй. Өөрийн нөхцөл боломжоо зөв дүгнэснээр орлогоо нэмэгдүүлж чадна. Харин их хэмжээний зарлага гаргахаас татгалзаарай.

Хайр дурлал, гэр бүл: Хувиа хичээсэн зан гаргаж, өөрийнхөөрөө зүтгэх нь гэр бүлийн харилцааг хүндрэлтэй болгож байна. Өөрийн буруугаа мэдэж байгаа нөхцөлд буулт хийх хэрэгтэй. Хайртдаа бууж өгөх нь ялагдал биш юм. Ганц бие хүмүүс түр зуурын зугаа цэнгэлд татагдах магадлалтай. Үүний зэрэгцээ зарим нэг нь нөгөө хүнээ романтик төсөөлөлдөө тааруулах гэж хүчилснээр багагүй зөрчил үүсгэж мэднэ.

Эрүүл мэнд: Биеийн байдал сайн байна. Бага зэргийн гэмтэл авах, хөнгөн ханиад тусах магадлалтай. Өөрөө бие даан эмчилгээ хийх хэрэггүй. Ямар ч тохиолдолд мэргэжлийн эмчид хандаарай.

МЭЛХИЙ

Ажил, мөнгө санхүү: Хамт олны дунд биеэ зөв авч явж, эв найртай хамтран ажиллах нь амжилтын үндэс юм. Өөртөө итгэлтэй байж, шаргуу хөдөлмөрлөх хэрэгтэй. Санхүүгийн байдал сайн байна. Сарын дундуур гэнэтийн их мөнгө орж ирэх бололтой.

Хайр дурлал, гэр бүл: Гэр бүлийн харилцаа хэвийн байна. Ганц хүмүүс сайн хүнтэй учрах боловч үл итгэсэн хандлага, хардаж тандсан байдал үзүүлбэл харилцаа тань удаан үргэлжлэхгүй. Харилцаагаа удаан үргэлжлүүлэхийг хүсч байгаа бол яарах хэрэггүй.

Эрүүл мэнд: Спортоороо хичээллэх, хоолны дэглэм барихад тохиромжтой. Ажил, амьдралын цагийг зөв тохируулснаар биеэ эрүүл байлгаж чадна.

АРСЛАН

Ажил, мөнгө санхүү: Ажил хэргийн салбарт ихээхэн амжилттай байна. Өөртөө итгэх итгэл нэмэгдсэнээр мэргэжлийн ур чадвараа бүрэн харуулж, таны нэр хүнд нэмэгдэнэ. Ямар ч салбарт ажилладаг бай таны хичээл зүтгэл олон амжилтыг дагуулна. Санхүүгийн байдал сарын дунд үеэс эрсдэлтэй нөхцөл байдалд орно. Хэн нэгэнд мөнгө зээлэх хэрэггүй.

Хайр дурлал, гэр бүл: Энэ сард ганц бие хүмүүсийг сэтгэл догдлуулсан харилцаа хүлээж байна. Гадаад төрхдөө анхаарснаар эсрэг хүйстнийхээ анхаарлыг татаж чадна. Ойрын өдрүүдэд романтик адал явдал цөөнгүй тохиолдоно. Гэр бүлтэй хүмүүс харилцаагаа сайжруулах, тогтворжуулахад онцгой анхаарах хэрэгтэй.

Эрүүл мэнд: Мэдрэлийн ядаргаа, дархлааны өвчлөлөөс сэргийлээрэй. Бие эрүүл байлгахын гол үндэс нь сэтгэл санаагаа тайван байлгах юм. Спортоор хичээллэдэг хүмүүс энэ сард багагүй амжилт гаргах боломжтой.

ОХИН

Ажил, мөнгө санхүү: Хийх ёстой ажлаа цаг тухайд нь хариуцлагатайгаар гүйцэтгээд байвал таны хөдөлмөр зохих ёсоор үнэлэгдэнэ. Ажил хайж яваа хүмүүс санаанд таарсан ажлаа олдох, бизнес эрхлэгчид амжилт гаргах боломжтой. Санхүүгийн байдал сайжирч, хүссэн худалдан авалт хийх, хөрөнгө оруулах нөхцөл бүрдэнэ. Мөрийтэй тоглоом, хонжворт сугалаа зэрэгт одтой байна.

Хайр дурлал, гэр бүл: Ганц бие хүмүүс сонирхол татсан олон хүнтэй танилцаж, зарим нь хостой болно. Гэр бүлийн хосуудад маш таагүй. Хэрүүл маргаан, урам хугаралт гарна. Найз нөхөд, хамаатан саднаа гэр бүлийн харилцаанд оролцуулах нь нөхцөл байдлыг дордуулна.

Эрүүл мэнд: Сэтгэцийн эрүүл мэнддээ онцгой анхаарах хэрэгтэй. Сэтгэл зүйчид хандахад буруудахгүй. Түүнчлэн өөх тостой хоол, согтууруулах ундаа хэтрүүлэн хэрэглэхээс зайлсхийх хэрэгтэй.

ЖИНЛҮҮР

Ажил, мөнгө санхүү: Энэ сард алдаа, амжилт ээлжилнэ. Ажлаа солих, өөр албан тушаал руу шилжих боломжтой. Шинэ бизнес эхлэх, өөрийгөө хөгжүүлэхэд таатай. Санхүүгийн байдал санасан хэмжээнд хүрэхгүй. Зарлагаа багасгахад хүндрэлтэй байгаа нь таныг бухимдуулах бололтой.

Хайр дурлал, гэр бүл: Энэ сард зарим хүмүүс хайр дурлал, гэр бүлтэй холбоотой эцсийн шийдвэр гаргаж, амьдралаа цэгцлэх бололтой. Шинэ хайр дурлалтай учрах нэгэн байхад салалт хагацлыг давах үзэх нэгэн ч бий. Ганц бие хүмүүс жинхэнэ хайр дурлалтайгаа учрах бололтой.

Эрүүл мэнд: Та хэт их юм бодож, завгүй ажилласнаас мэдрэлийн ядаргаанд орох бололтой. Сэтгэцийн эрүүл мэндээ тоохгүй орхиж болохгүй. Энэ нь таны эрүүл мэнд төдийгүй өдөр тутмын амьдралд ч сөргөөр нөлөөлөхийг анхаараарай.

ХИЛЭНЦ

Ажил хэрэг, мөнгө санхүү: Ажлын орчноо шинэчлэх, тушаал дэвших магадлалтай.Таны цаашдын ирээдүйд туслалцаа үзүүлэх хүмүүстэй танилцана. Ажил хэргийн түнштэйгээ санал зөрөлдөж мэднэ. Албан хэргийн асуудлаар мэргэжилтнээс зөвлөгөө авах, мэргэжлээ дээшлүүлэх хэрэгтэй. Таны мөнгө санхүүгийн байдал тогтвортой байх болно. Бусдад мөнгө зээлүүлэх, зээлж авахаас татгалзаарай.

Хайр дурлал, гэр бүл: Хосуудын хувьд хэвийн харилцаатай байх бол ганц хүмүүс өөрт тохирох сайн хүнтэй учрах болно. Гэхдээ яаран ямар нэгэн шийдвэр гаргах хэрэггүй.

Эрүүл мэнд: Дасгал хөдөлгөөн тогтмол хийх хэрэгтэй. Дэглэм барих, хүнд спортоор хичээллэхэд тохиромжгүй. Нэмэлт бүтээгдэхүүн хэрэглэж амин дэмийн дутагдлаас сэргийлээрэй.

НУМ

Ажил хэрэг, мөнгө санхүү: Олон сорилт бас ололт хүлээж байна. Чухал ажил хүлээж авах, томилолтоор явах магадлалтай. Боломжийг ашиглаж чадвал ирээдүйдээ маш том хөрөнгө оруулалт хийж чадна.Таны эд хөрөнгийн ашиг сонирхол буурна. Их хэмжээний зарлага гаргахаас сэргийлж чадвал санхүүгийн байдал тогтвортой байна.

Хайр дурлал, гэр бүл: Гэр бүлийн хосууд нэгнээсээ уйдаж, шинэ харилцаа үгүйлж болзошгүй. Таны хайр сэтгэл хэр хүчтэйг сорьсон үйл явдал тохиож мэднэ. Ганц бие хүмүүсийг олон сонирхолтой учрал хүлээж байна. Тэдний дундаас амьдралын ханиа олж мэднэ.

Эрүүл мэнд: Сэтгэл тавгүйтэж, бие эвгүйрхэх хандлагатай. Биед онцын өвчлөл байхгүй байна. Тогтмол цагт унтаж, сэрж хэвших хэрэгтэй. Бас хүнд хоолноос татгалзаж, цагаан хоолны дэглэм баримтлах нь сайн.

МАТАР

Ажил хэрэг, мөнгө санхүү: Ажил хэрэгт бэрхшээлтэй тулгарч, өөртөө урам хугарна. Гэхдээ хариуцлагатай, санаачилгатай байвал таны өмнө олон боломж байна. Ажил хэргийн сонирхолтой саналууд ирэх ба зарим нь хувийн бизнесээ нээнэ.Санхүүгийн хувьд уналтад орох, өр нэхэгдэж болзошгүй тул яаран зарлага гаргах хэрэггүй.

Хайр дурлал, гэр бүл: Гэр бүл, ойр дотны хүмүүстээ цаг зав гаргаарай. Энэ нь таны сэтгэл санааны байдалд эергээр нөлөөлж, хүч өгнө. Ганц бие хүмүүс муу хүнтэй учирч багагүй хохирох бололтой. Сэрэмжтэй байж, хэн нэгэнд хурдан итгэх хэрэггүй.

Эрүүл мэнд: Энэ ордныхны сэтгэл гутралд орж болзошгүй. Иймд бясалгал хийж, сэтгэлзүйчид эсвэл найз нөхдөдөө сэтгэлээ уудлах хэрэгтэй. Хордлого авах, ходоод гэдэс хямрах магадлалтай. Эмэгтэйчүүд жирэмслэхэд таатай.

ХУМХ

Ажил хэрэг, мөнгө санхүү: Албан томилолт, уулзалт зөвлөгөөн, чухал гэрээ хэлцэл гээд завгүй байх болно. Албан томилолт, уулзалт зөвлөгөөн, чухал гэрээ хэлцэл гээд ажил ундарч байна. Мөнгө их хэмжээгээр орж ирнэ. Санхүүгийн тааламжтай үеийг ашиглаад санаснаа бүтээгээрэй.

Хайр дурлал, гэр бүл: Романтик адал явдал, шохоорхол, түр зуурын зугаа цэнгэл гээд үйл явдал өрнүүн байна. Ганц бие хүмүүс хайр дурлалд яарах хэрэггүй. Хагацсан хүмүүс эргэн нийлэх магадлалтай. Гэр бүлтэй хүмүүс хамт хийж болох сонирхолтой зүйл турших нь харилцааг сэргээнэ.

Эрүүл мэнд: Ачааллаа тохируулж, сайтар амарч байх хэрэгтэй. Ядаргаанд орох, гэмтэж бэртэхээс сэргийлээрэй.

ЗАГАС

Ажил хэрэг, мөнгө санхүү: Албан тушаал ахиж, орлого нэмэгдэнэ. Салбартаа таны нэр хүнд өсч, олонд алдаршина. Бусдад хүлээн зөвшөөрөгдөхийн хэрээр амжилт тань батажна. Энэ сард олон хүн ирээдүйн амжилтын сууриа тавьж чадна. Санхүүгийн байдал сайнгүй байгаа ч орлого тодорхой хувиар нэмэгдэнэ. Их хэмжээний зарлага гаргахгүй байсан нь дээр.

Хайр дурлал, гэр бүл: Ганц бие хүмүүс заяаны ханьтайгаа учрах, сүй тавих бололтой. Гэр бүлийн харилцаа зөрчилтэй байж, урам хугаралттай учирна. Зарим нь гэр бүлээс гадуур харилцаа үүсгэж мэднэ. Салж сарнихаа урьтал болгохын өмнө өөрийн сэтгэл зүрхээ сайн сонсоорой. Хожим харамсахгүй гэсэн итгэлгүй байвал өөрийгөө хуурах хэрэггүй.

Эрүүл мэнд: Архаг өвчнөө эмчилж, хүндрэхээс болгоомжлоорой. Хорт зуршлаа хаяхад тохиромжтой. Спортоор хичээллэхэд биеийн дархлаа сэргэнэ.

access_time 2018-03-17 17:05

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt