Хүн л юм чинь сэтгэл зүрхтэй…


Б.МӨНХ-ОРГИЛ хуудаснаас

Хүн л юм чинь сэтгэл зүрхтэй
Хүрэх өндөрлөг, зорилго тэмүүлэлтэй
Хайргүй нэгнээс халамж горьдох
Хагацал бас урвалтын шархтай

Хүн л юм чинь инээд нулимстай
Хүнээс дутахгүй амьдрах хүсэлтэй
Ирээгүй нэгнээс хүлээсэн хайр
Итгэл эвдэгсдийн гомдлын мөртэй

Хүн л юм чинь сайхны төлөө
Хүртэх жаргал, амсах зовлонтой
Хуумгай нэгэнд сэтгэлээ зүсүүлж
Хуурамч хэврэгийн гүн сорвитой

Хүн л юм чинь ичих нүүртэй
Хүрээлэх олондоо муугаа үзүүлэхгүй
Жижиг зүйлээр нэрээ сэвтүүлж
Жигшүүртэй амьдрахыг хэзээ ч бодохгүй

Хүн л юм чинь имээх зүйлтэй
Хүндтэй хүнээсээ сонсох үгтэй
Ачийг санаж хариуг нь барих
Алс хэтийн гэгээн болзоотой

Хүн л юм чинь хайрлах ухаантай
Хүүхэд насны гэнэн мөрөөдөлтэй
Өвдөж шаналсанд гараа сунгах
Өгөөмөр их нууцхан сэтгэлтэй

Б.МӨНХ-ОРГИЛ
2018.01.23-нд

access_time 2018-01-23 15:11

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt