Сонсогч фэнүүдийнхээ дунд “Хайрын дууч” гэгдэж явсан дуучин С.Сэрчмаа нэг л өдөр уран бүтээлээсээ холдож, айлын эзэгтэй болохоор шийдсэн. Өөрөөсөө үе мултарсан ахимаг насны өвөрлөгч эртэй ханилж, сүр дуулиантайхан хуримласан “Хайрын дууч” маань 130 саяын үнэтэй “Range rover” бэлгэнд авч, тансаг амьдралд умбаж суугаагаа тухайн үед нуугаагүй. Тэр ч байтугай, тэрбумтан нөхрийнхөө дэмжлэгээр урд хөршид урлагийн сургууль хүртэл байгуулахаар төлөвлөж, рок попын алдартнуудыг урьж залсан түүний хүсэл харамсалтай нь биелээгүй.
Харин ч бүр эсрэгээрээ эргэж, бэлтэй нөхөр нь охиноо аваад түүнээс зугтсан тул цагдаа шүүхээр эргэлдэж, чамгүй бэдэрсний эцэст Б.Хураа охиноо аваад эх орондоо ирсэн гэлцдэг. Гэрлэлтээ цуцлуулж, хөгшин нөхрөөсөө нэлээд хэмжээний мөнгө салгасан дуучин С.Сэрчмаа туулж өнгөрүүлсэн амьдралынхаа түүхээр “Бүсгүй аргамж” нэртэй кино хийх гээд мөн л бүтэлгүйтсэн. Учир нь, тус киноны уран бүтээлч залуу түүний итгэж өгсөн мөнгө санхүү болон дүрс бичлэгийг авч зугтсанаар мөрөөдөл нь талаар болжээ.
Түүнээс хойш хэд хэдэн дуугаа олонд хүргэсэн дуучин С.Сэрчмаа нэг хэсэг хөтлөгч болсон ч, хувийн амьдралдаа зоригтой алхам хийж өөрчлөхөөр яарчээ. Амьдралын хатуу бэрхийг үзэж, шантарч зовсон ч гэлээ үзэсгэлэнт төрхөө алдаагүй дуучин бүсгүй энэ удаа Монгол залууг түшихээр шийдсэн аж. Тэр ч бүү хэл, өнгөрсөн хавар хоёр дахь охиноо төрүүлж, өнгөрсөн бүхэндээ цэг тавьсан нь энэ. Түүний жаргалтай агаад хайрандаа умбасан “нялх” төрх нэг иймэрхүү.