А.Батцэцэг дэлхийн аваргаас мөнгөн медаль хүртэв

ОУХМ А.Батцэцэг чөлөөт бөхийн 23 хүртлэх насны буюу “U-23” ангиллын Дэлхийн аварга шалгаруулах тэмцээний эмэгтэйчүүдийн 58 кг-д мөнгөн медаль хүртлээ.
Тэрбээр дэлхийн аваргын  алтан медалийн төлөө дэлхийн хошой аварга Японы тамирчин Юзүрү Күманотой барилдан 1:6 гэсэн оноогоор ялагджээ. Бөхийн төрлүүдийн 23 хүртэлх насны Дэлхийн аварга шалгаруулах анхдугаар тэмцээн Польшийн Быдгош хотод болж байгаа бөгөөд эхний өдөр эмэгтэйчүүдийн 55, 58, 63, 75 кг жингийн барилдаан болсон юм. Энэ өдөр /2017.11.23/ монголын дөрвөн эмэгтэй хүч үзсэнээс 58 кг-д 2014 оны дэлхийн залуучуудын болон Ази тивийн аварга, 2011 оны өсвөр үеийн ДАШТ-ий мөнгө, АТАШТ-ий алт, 2015 оны Иван Ярыгины “Алтан Гран при”-гийн мөнгө, 2014, 2017 оны хүрэл, Чувашийн Ерөнхийлөгчийн нэрэмжит цомын нээлттэй тэмцээний мөнгө, хүрэл, Дмитрий Миндиашвилигийн нэрэмжит ОУТ-ий алт, “Mongolia Open” ОУТ-ий нэг алт, хоёр мөнгө, нэг хүрэл, насанд хүрэгчдийн УАШТ-ий алт, мөнгөн медальт, “Хасу-Мегастарс” клубын тамирчин ОУХМ А.Батцэцэг ийнхүү мөнгөн медаль хүртэв.
access_time 2017-11-24 09:51

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt