Цаг агаар цочир хүйтэрч хил орчмын нутгаар энэ сарын 18-23-ны өдрүүдэд -14-20 градус хүйтрэн, салхи баруун хойноос секундэд 15-20 м/с хүрч, цасан болон шороон шуурга шуурчээ. Энэ өдрүүдэд Хилийн цэргийн 0132 дугаар ангийн … дугаар хилчид осгосон иргэний амийг аварсан байна.

Тодруулбал энэ сарын 23-ны өдрийн 15:30 цагийн орчимд хил орчмын бэлчээрт 172 тооны адуугаа хариулж явсан иргэн осгож, ухаангүй хэвтэж байсныг ахлах ахлагч Г.Золжаргал, байлдагч М.Гантулга, Б.Мөнхбаяр нар олжээ.

Улмаар иргэнд эмнэлгийн анхны тусламж үзүүлсэн байна.