Брэд Питт Жолитой амьдарсан үеэ “Тамын 12 жил” гэжээ

Гэр бүлээ цуцлуулаад Холливудын жүжигчин Брэд Питт сэтгэл зүйчийн туслалцаа авахад хүрсэн. Үзэсгэлэнтэй эхнэрээсээ жилийн өмнө салсан Брэд Питт одоог хүртэл тайвширч чадахгүй байгаа аж. Сэтгэл санаагаа тайван байлгах, архины хамаарлаас гарахын тулд тэрбээр сэтгэлзүйчтэй тулж ажиллахад хүрчээ.

53 настай Брэд Питт, Жоли тэр хоёрын амьдралд маш олон асуудал байсан гэж ярьсан. Гэр бүлийн ярвигтай асуудлуудаас болж Холливудын нэрт жүжигчин архинд хүртэл орсон аж. Жолитой амьдарсан он жилүүдээ тэрбээр “Тамын 12 жил” гэж хэлжээ. Анжелина Жолиг төрсөн аав нь хүртэл “сэтгэцийн өвчтэй” гэж хэлж байсан, хурц зан араншинтай гэдэг. Анжелина Жоли хүүхдүүдээ хэт эрхлүүлж, тэдний зургаан хүүхэд, аав ээжтэйгээ ороод гарахад дуу чимээ, дураараа занд нь рестораны зөөгч хүртэл ядардаг гэж яригддаг. Тэгэхээр 100-гийн талыг насалж байгаа Брэд Питтэд амаргүй л байсан байх.

Брэд Питт өмнө нь албан ёсоор гэрлэж, долоон жил амьдарсан Женнифер Анистоноос салсны дараа “Бид хоёр хоёулхнаа амьдрах уйтгартай байсан. Би буйдан дээр байнга хэвтсээр байгаад цагирган боов болох шахсан” гэж ярьж байсан. Сайн эр хайрлаж, ханилж явсан бүсгүйгээ муулдаггүй, дутагдлыг нь олонд зарладаггүй гэдэг. Өмнөх хоёр ч амьдрал, хоёр ч сайхан бүсгүйгээ сайнаар дурсаагүй Брэд Питт 10 хуруу тэгш биш гэдгээ харуулсан бололтой.

access_time 2017-10-30 10:38

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt