Хүүхдээ асрах үедээ ХЭЧНЭЭН Ч төрсөн жирэмсний ТЭТГЭМЖЭЭ авна

Хөл хүндтэй, хүүхдээ төрүүлсэн, эсвэл хоёр хүртэлх насны хүүхдээ гэртээ асарч буй эхчүүдэд хамаатай Нийгмийн даатгалын сангаас олгох тэтгэвэр тэтгэмжийн тухай хуулийн талаарх мэдээллийг хүргэе.
Эхчүүд ямар тохиолдолд жирэмсний болон амаржсаны тэтгэмжийг авдаг вэ?

Сүүлийн 12 сард нийгмийн даатгалын шимтгэлээ тасралтгүй хугацаанд төлсөн эхэд дөрвөн сарын цалинтай тэнцэх мөнгийг 100 хувиар тооцож л олгодог. Өөрөөр хэлбэл та 800 мянган төгрөгийн цалинтай бол 800 000×4= 3.2 сая төгрөгийг төрөхөөс өмнө болон төрсний дараа хоёр хуваан авна гэсэн үг.
Хүүхэд харах хугацаанд хэдэн удаагийн төрөлтөд тэтгэмж авах эрхтэй вэ?

Нийгмийн даатгалын сангаас олгох тэтгэвэр тэтгэмжийн тухай хуульд “Хөдөлмөр эрхэлж байгаад хууль тогтоомжид заасны дагуу хүүхдээ асрах чөлөөтэй байх хугацаанд дахин хүүхэд төрүүлсэн эхэд жирэмсний болон амаржсаны тэтгэмж олгоно. Энэ тохиолдолд уг эхийн чөлөөтэй байсан хугацааны хоёр удаагийн төрөлт хамаарагдана” гэж заасан.
2018 оны нэгдүгээр сарын 1-нээс уг хуулийн заалтад ямар өөрчлөлт орох вэ?

Уг хуульд 2017 оны хоёрдугаар сарын 02-ны өдөр өөрчлөлт орсноор хүүхэд асрах хугацаанд хэдэн ч удаа төрсөн тэтгэмжийг үргэлжлүүлэн олгохоор болсон юм. Өөрөөр хэлбэл, дээрх заалтын “Энэ тохиолдолд уг эхийн чөлөөтэй байсан хугацааны хоёр удаагийн төрөлт хамаарагдана” гэсэн хэсэг хүчингүй болов. Тэгэхээр эхчүүд хүүхдээ харах хугацаандаа хэчнээн ч удаа амаржсан тэтгэмжээ авдаг болох нь ээ.
Хүүхэд харах хугацаанд нийгмийн даатгалын шимтгэлийг хэн төлөх вэ?

Даатгуулагчийн хүүхэд асрах чөлөөтэй байх хугацааны шимтгэлийг ажил олгогч нь,
Сайн дураараа даатгуулсан эх жирэмсний болон амаржсаны тэтгэмж авах эрх үүсэн бол тэтгэмжийн даатгалын сангаас төлөх юм байна.
Харин үүнээс бусад тохиолдолд эхийн төлбөл зохих шимтгэлийн 50 хувийг төрөөс, 50 хувийг эх өөрөө хариуцах аж.

access_time 2017-10-26 14:40

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt