-10000 ТӨГРӨГ ДАНСАНД ТУШААЖ БАЙЖ ҮЗЛЭГ ХИЙЛГЭДЭГ ЖУРАМТАЙ ГЭВ-
Өчигдөр таван настай охины хүчирхийлүүлсэн асуудалтай холбоотойгоор төрийн байгууллагууд мэдээлэл хийж, зарим нь өөрсдийгөө өмгөөлж, хамгаалсан өдөр болж өнгөрөв. Хамгийн түрүүнд алхаж ч чадахгүй, эмнэлгийн төмөр сандал дээр хэвтэх бяцхан охиныг үзлэгийн хураамж 10000 төгрөг байхгүй бол үзэхгүй хэмээн олон цагаар хүлээлгэж, яаралтай эмнэлгийн тусламж үзүүлэхээсээ урьтаж хураамжийн мөнгийг чухалчилсан ШШҮХ-ийн дэд захирал Ц.Гантулга хэвлэлийнхэнд “хаалттай” мэдээлэл өгөв. “Хаалттай” гэсний учир нь ШШҮХ-д мэдээлэл авахаар очсон сэтгүүлчдийг зурагчин болон зураглаачгүй дотогш нэвтрүүлэв. Улмаар Ц.Гантулга дарга өөрийнхөө зургийг дарахыг хориглон байж “нүүрээ хаацайлсан” хариулт өгсөн юм.
-Хойд эцэгтээ хүчирхийлүүлсэн бяцхан охинд мөнгө байхгүйн улмаас танай эмнэлгийн зүгээс үзлэг хийхээс татгалзсан гэж үнэн үү?
-Тэр өдөр амралтын өдөр байсан. Манайд хоёр эмч жижүүрлэж байсан. Нэг нь гадуур дуудлагатай ажиллаж, нөгөө эмч нь үзлэг хийсэн тул жаахан хүлээгдэх асуудал үүссэн байна. Сангийн сайд, Хуульзүйн сайд, Эрүүл мэндийн сайд нарын хамтарсан тогтоолын дагуу үзлэгийн 10 мянган төгрөгийг Төрийн банкны дансанд тушааснаар үзлэг хийдэг журамтай.
-Тухайн хүүхдийн нөхцөл байдлыг харж үзээд яаралтай тусламж үзүүлж болоогүй юмуу. Тэгээд ч амралтын өдөр ажилладаг банк гэж бараг байхгүй шүү дээ?
-Заавал Төрийн банкин дээр очиж биш эмчдээ мөнгөө тушаагаад баримт авах, эмч нь ажлын өдрөөр санхүүдээ тушаах зохицуулалт бий. Тухайн өдөр жижүүр эмч маань олон дуудлага, үзлэгтэй байсан тул түр хүлээлгэсэн асуудал үүссэн байна. Охинд шаардлагатай үзлэг шинжилгээг хийсэн. Нэгдсэн дүгнэлт нь энэ долоо хоногтоо багтаад гарна. Үзлэгийн хураамж төлбөрийг хөнгөлөх, огт авахгүй байх тохиолдлууд олон бий. Тухайлбал, амьжиргааны баталгаажих түвшнээс доогуур түвшний айл өрхийн иргэнийг хураамжаас чөлөөлдөг. Гэхдээ үүний тулд хорооны тодорхойлолт эсвэл хэрэг үүсгэсэн цагдаагийн албан хаагчийн бичиг байх хэрэгтэй байдаг юм.Үзлэгийн хураамжгүй болох талаар бид саналаа боловсруулаад яам руугаа хүргүүлсэн байгаа. Удахгүй шийдэж хариу ирэх байх. Хураамжийг Төрийн сан руу шилжүүлдэг.
Та бүхний харж буй энэ тушаал бол таван настай охиныг үзлэгт оруулахад саад болсон гэх гурван сайдын гарын үсэг бүхий тушаал. 2017 оны тавдугаар сард гарсан энэхүү тушаалыг боловсруулж суусан төрийн албан хаагчид 0-16 насны хүүхэд шүүх эмнэлгээр үйлчлүүлэхгүй гэж бодсон уу, эсвэл энэ насны хүүхдүүдийг албаар хассан уу бүү мэд. Ямартаа ч ийм учир дутагдалтай тушаал дээр гарын үсэг зурж байсан гурван сайд тэдний гарын үзүүрээр ийм бяцхан амьтдын амь амьдрал шийдэгдэж байгааг ухаараагүй нь эмгэнэлтэй. Төрийн ажил амьдралаас “тасархай”, цаасан дээрх хууль нь амьдралд нийцдэггүйн бодит жишээ энэ гэлтэй.
О:АЛТАНСҮХ: ОХИНЫ ЭЭЖИЙГ ӨНГӨРСӨН ДОЛДУГААР САРААС ХОЙШ
ЭРЭН СУРВАЛЖИЛЖ БАЙГАА ЮМ БАЙНА
Мөн эл хуралтай зэрэгцэн Гэр бүл, хүүхэд, залуучуудын хөгжлийн газрын дарга О.Алтансүх сэтгүүлчидтэй уулзаж, мэдээлэл хийв. Тэрбээр 2017 он гарсаар тус төвд хүчирхийлэлтэй холбоотой 157 дуудлага мэдээлэл ирсэний 26 нь хойд эцэгтээ хүчиндүүлсэн дуудлага байсан талаарх тоон мэдээлэл өгсөн юм. Мөн хүчирхийлэлд өртсөн таван настай охины ээж өнгөрсөн долдугаар сард самар түүхээр явлаа гэж хэлээд гэрээсээ гарсанаас хойш одоог хүртэл эргэж ирээгүй, цагдаагийн байгуулагаас эрэн сурвалжилж байгаа гэх чухал мэдээллийг өгөв. Учир нь “охиныг хүчирхийлүүлж байхад эх нь хаана байсан юм бэ” гэх асуултыг олон нийтийн зүгээс маш их асууж байсан билээ.
-Бэлгийн хүчирхийлэлд өртсөн охинд танай байгууллага ямар тусламж үйлчилгээ үзүүлж байна вэ?
-Таван настай охин хүчирхийлэлд өртсөн талаархи мэдээлэл “Хүүхдийн тусламжийн 108” утсанд ирсэн. Энэ дагуу “Хүүхдийн тусламжийн 108” төвийн хамтарсан баг гарч ажилласан. Уг төвийн дэргэд хоёр сарын өмнө хамгаалах байр ашиглалтад орсон. Одоогийн байдлаар охиныг хамгаалах байранд хамгаалалтад авсан. Мөн түүний бие махбодын болон сэтгэл санааны хохирлыг нь тогтоохоор Гэмтэл согог судлалын үндэсний төв, Эх хүүхдийн эрүүл мэндийн үндэсний төвөөс шаардлагатай шинжилгээнүүдийг авсан.
-“Хүүхдийн тусламжийн 108” утсанд өдөртөө хэчнээн дуудлага ирдэг вэ?
-“Хүүхдийн тусламжийн 108” утсанд өдөрт дунджаар… цааш үзэх