Бэлэг эрхтний орчим сонин мэдрэмж төрөх, нэг бол сүнс зайлтал айлгамаар шинж тэмдэг илрэх, эсвэл бүр нэг л биш оргиод байвал яах ёстой юм бол. Хэрэглэх гарын авлага байдаг ч болоосой. Cosmo хамгийн хачирхалтай, заримдаа ичгүүртэй гэж бодогдохоор зүйлсийн тайлбар, зохицуулах аргуудыг нийтэлж байна.

Хүүхэд гаргахад бэлэг эрхтний булчин сулардаг.

Яг ийм шалтгаанаас болж өмдөндөө шээс алдах тохиолдол гардаг л даа. Бодвол чи сонссон байх. Гэвч чиний хувьд өөр. Залуухан, бас ээж болж хараахан амжаагүй мөртлөө шээс алдах эвгүй биш гэж үү ? Ичмээр гэдгийг дурдах нь илүүц байх.

Хүмүүсийн тэр бүр мэддэггүй баримт: Эмнэлгийн хэллэгээр стрессийн сулрал хэмээх энэ өвчин залуу эмэгтэйчүүдэд ч тохиолддог. Шээс барьдаг булчингууд чинь жаахан үлбэгэр байна гэсэн үг. Тиймээс давсаг дүүрчихсэн эсвэл дүүрэх дөхсөн үед гэнэтийн үйлдэл хийвэл шээс алддаг. Ханиалгах, хүнд юм өргөх ч юм уу.

Энэ асуудлыг шийдэхийн тулд Кегелийн дасгал буюу доодох булчингаа чангаруулах дасгал хийх хэрэгтэй. За тэгэхээр, эхлээд шээсээ барин зогсоох гэж байгаа юм шиг булчингаа чангал. Таван секунд бариад сулла. Өдөрт 40-өөс 50-ийг хийх зорилго тавь. Нэг хоёр сарын дараа булчин чинь чангарч шээс алдах нь багасна.

Нэмэр болдог бусад зүйлс: Давсаганд ачаалал их өгч, шээс их хүргэдэг тул каффейнаас татгалз. Давсаг сул байх тусмаа шээс алдах магадлал багасах нь ойлгомжтой.

Бэлэг эрхтэн чангарч, дотор нь юм хийхэд хэцүү эсвэл ямар ч боломжгүй болох.

Тампон хийх, сексдэх, вибратор хэрэглэх гэхээр бэлэг эрхтний орчмын булчингууд өөрсдөө агшихыг үтрээний өвдөлттэй агшилт гэдэг. Нэг бол дөнгөж сексийн харилцаанд орж эхэлж байгаа хүүхнүүдэд тохиолддог бол заримдаа олон жилийн турш бэлгийн харьцаатай бас тампон хэрэглэдэг хүүхнүүдэд ч илэрдэг. Энэ нь өөрөө шууд хаагддаг үтрээний булчингуудын доголдлоос болдог гэж үздэг. Ямар нэг зүйл ойртуулахаар хүн өөрийн эрхгүй нүдээ анивчдаг шиг. Сэтгэл санааны нөлөө ч байж магадгүй юм. Өмнө нь тохиолдож байсан сексийн дарамт, эсвэл сексээс хэт их өвдөлт мэдэрсэн бол ийм асуудал гарч мэднэ.

Зарим эмэгтэй өвдөх, хорсох эсвэл бусад төрлийн зовиурыг мэдэрдэг. Шалтгаан нь юу байх нь хамаагүй. Үтрээний өвдөлттэй агшилтыг эмчлэх боломжтой. Бүрэн үзлэг хийсний дараа эмч чинь агшилтыг хянах дасгал зааж өгнө. Бас бэлэг эрхтний булчинг тайвшруулах багаж хэрэглэхийг зөвлөж магадгүй.

Саяхнаас жирэмснээс сэргийлэх эм ууж эхэлтэл, сарын тэмдэг чинь зогсолтгүй ирэх боллоо.

Жирэмснээс сэргийлэх ихэнх эмнүүдийн дагавар нөлөө нь сарын тэмдэг бага хэмжээгээр нэг хоёр сарын дотор үзэгдэх хандлагаар илэрдэг. Хүний бие гормоны төвшинд гарсан өөрчлөлтөд дасан зохицох үеэр гардаг ядаргаатай өөрчлөлтийн явц л даа. Гэвч хэрэв өдөрт нэг эсвэл түүнээс дээш тампон нэвтэртэл гараад байвал өөр эм хэрэглэсэн нь дээр байх. Эмчтэйгээ зөвлөж байгаад шийдээрэй. Эмэнд байдаг эстроген нь цус гарахыг зогсоодог.

Тиймээс олон долоо хоногийн турш зогсолтгүй юм ирэх нь эмэн дэх эстрогений хэмжээ тухайн хүний биед хангалтгүй байна гэсэн үг. Хэрэв эстроген ихтэй эмний брэнд хэрэглээд ч нэмэргүй бол, эмчдээ шалтгаанаа хэлж, умайн фибройдоо шинжлүүл (жич: санаа зовсны хэрэггүй). Залуу эмэгтэйчүүдэд элбэг тохиолддог, цус алдуулдаг ургацаг байж магадгүй.

Бэлэг эрхтэн шөрмөс татаж байгаа юм шиг өвдөх.

Найз залуутайгаа орон дотроо мэдэрсэн бол авч байгаа таашаалдаа сатаараад тоохгүй өнгөрч болно. Гэвч хэрэв өөр хаа нэгтээ ингэсэн бол шал өөр зүйлийн тухай унших нь дээ. Тэгээд хэрэггүй. Оронд нь үүнийг биед халгүй хатгалт гээд л ойлгочих. Шилбэний шөрмөс татдаг шиг бэлэг эрхтний булчин ч бас татна. Ялангуяа, удаан суусны дараа эсвэл дасгал хийсний дараа г.м. үтрээндээ ачаалал хэт их өгсөн тохиолдолд. Бас хэт бариу жинс өмссөнөөс болоод мэдрэлийн цэгүүд шахагдан ингэх магадлалтай. Өдөржингөө биш, харин хааяа нэг ингэвэл санаа зоволтгүй.

Харин өдөржингөө өвдөх нь ховор тохиолддог булчин эсвэл мэдрэлийн доголдол. Гэхдээ санаа зовох хэрэггүй. Үтрээний орчимд санаанд оромгүй их мэдрэлийн төгсгөлүүд төвлөрсөн байдаг. Тиймээс чичрэх, татах эсвэл ирвэгнэх мэтийг мэдрэх нь хэвийн үзэгдэл. Харин ч бүр хэт мэдрэмжтэйн шинж. Энэ сайн биш гэж үү?