Бээжингээс Москвад цэргийн тусламж үзүүлэхгүй

АНУ-ын ерөнхийлөгч Жо Байден болон Хятадын дарга Ши Жиньпин нар өнөөдөр /2022.03.18/ утсаар ярина гэж Бээжингийн төлөөлөгч Хуа Чуньин мэдэгдлээ. АНУ, Хятадын харилцаанд Москва чөдөр тушаа болж буй эгзэгтэй цаг үед дараах уриалгыг Цагаан ордноос гаргажээ.


Хятад улсаас Орост цэргийн дэмжлэг үзүүлэх асуудал дээр Вашингтон шүүмжлэлтэй хандаж буй. Энэ нь Бээжин болон барууны засгийн газар хоорондын ан цавыг эрс томруулсан үйлдэл болох юм. Хэрвээ Хятад улсаас Владимир Путины өдүүлсэн дайнд материаллаг дэмжлэг үзүүлбэл сөрөг үр дагаварт хүрнэ гэдгийг Жо Байден анхааруулсан. АНУ-ын Төрийн нарийн бичгийн дарга Энтони Блинкен хэвлэлийн бага хурал дээр хэлэхдээ, “Ерөнхийлөгч Байден маргааш Ши Жиньпинд хандан үг хэлнэ. Оросын түрэмгийллийг дэмжсэн аливаа үйлдлийнхээ хариуцлагыг Хятад улс хүлээх болно. Тэд цэрэг техникийн хэрэгслээр Орост туслах талаар бодож байгаад бид маш их санаа зовж байна. Хятад улс олон улсын дүрмийг сахих үүрэгтэй ч энэ удаад эсрэг чиглэлд явж буй бололтой” гэжээ.

Синьхуа агентлагаас мэдээлснээр уг дуудлага Бээжингийн цагаар өнөө орой болно.

Италийн нийслэл Ромд өнгөрсөн Даваа гаригт Хятад, АНУ хоёр улсын дипломатчид уулзсан. Тэд долоон цагийн турш хэлэлцээ хийх үеэрээ өнөөдрийн дуудлагыг тохиролцсон байна. АНУ-ын албаны хүмүүсийн хэлснээр өнөөдрийн яриа хэлэлцээ ширүүхэн болж болзошгүй ажээ.

Харин Бээжин Москвад цэргийн тусламж үзүүлнэ гэсэн мэдээллийг Хятадын Гадаад хэргийн яамнаас үгүйсгэж байна.

ЭХ СУРВАЛЖ: REUTERS, CGTN

access_time 2022-03-18 14:59

Холбоотой мэдээ

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Хаяг : Улаанбаатар хот, Чингэлтэй дүүрэг 3-р хороо Peace tower 17 давхарт 1704 тоот
И-мэйл : MGLTimes976@gmail.com
Утас : +976 7500-8811
Ⓒ Бүх эрх хуулиар хамгаалагдсан. Designed By TomAmjilt