Өмнөд Солонгост “хөөрхөн” болохын төлөө очсон гурван хятад бүсгүй гэртээ харьж чадахааргүй болжээ. Гоо сайхны мэс засал хийлгэсний дараа тэдний царай хавдаж, бичиг баримтны зурагнаасаа өөр болсон аж. Тиймээс тэднийг онгоцонд суулгаагүй гэнэ. Нүүрээ самбайгаар ороосон, хавдсан нүүртэй, гартаа паспортоо барьсан гурван азгүй эмэгтэйн зураг Хятадын “AsiaWire” сүлжээнд цацагдаж, хурдан түгжээ.

Дашрамд дурдахад гоо сайхны аялагчид Сөүлийн гоо сайхны мэс заслын эмч нарын үйлчлүүлэгчдийн гуравны нэгийг бүрдүүлдэг байна. Тиймээс зарим эмнэлэг мэс заслын дараа үйлчлүүлэгчдэдээ паспортын хяналтад асуудал үүсгэхгүйн тулд тусгай лавлагаа гаргаж өгдөг аж.