2018-09-13 18:37

1072 хувьцаа эзэмшигчдэд ногдол ашиг олгож эхэлнэ

access_time 2018-09-13 18:37

1072 хувьцааны талаарх мэдээллийн иргэдэд хүргэх зорилгоор 1072 хувьцаа мэдээллийн төвийг өнөөдөр “Эрдэнэс таван толгой” компаниас нээлээ. Ингэснээр иргэд 1072 хувьцааны талаарх мэдээллийг авч болохоос гадна компанийн үйл ажиллагаа ил тод болж байгаа юм байна.

“Эрдэнэс Тавантолгой” компани өнгөрсөн онд 461.1 тэрбум төгрөгийн ашигтай ажиллаж, гадаад дотоод өр төлбөрөө бүрэн төлж дуусгасан байна. Иймд хувьцаа эзэшигчдэд ногдол ашиг өгөх боломж бүрдсэн аж. Харин 2019 оноос “Эрдэнэс Тавантолгой” компани 1072 хувьцаа эзэмшигчдэд ногдол ашиг олгож эхлэх юм байна. Энэ нь 2018 оны борлуулалтай шууд холбоотой учраас борлуулалтыг нэмэгдүүлэх ажлыг зохион байгуулж байгаа аж.

Энэ талаар “Эрдэнэс Тавантолгой” компанийн гүйцэтгэх захирал Б.Ганхуяг“Эрдэнэс Тавантолгой хувьцаат компани 2017 онд 100 хувийн ашигтай ажилласан. 461.1 тэрмбум төгрөгийн ашигтай ажилласан байгаа. Үүнтэй холбоотойгоор гадаад, дотоод өр төлбөрийн асуулдыг дуусгаж, компани блансын хувьд цэвэр болсон. Олон улсын зах зээлд болон монголдоо үр ашигтай компани болсон. “Эрдэнэс таван толгой” компани өр төлбөрийн асуудал байхгүй болсон учраас ногдол ашиг өгөх 100 хувь боломжтой болж байгаа юм” гэсэн юм.

Харин 1072 хувьцаа эзэмшигч нь ахмад настан болон хөгжлийн бэрхшээлтэй иргэдэд олгосон сая төгрөг, оюутны сургалтын төлбөрт олгосон сая төгрөгийг аваагүй 2012 оны дөрөвдүгээр сарын 11-ны өдрөөс өмнө төрсөн Монгол Улсын иргэн байх юм.

Хувьцаа эзэмшигч мөн эсэхээ шалгахдаа

https://net.schcd.mn/registration/ хаягаар хандан регистрийн дугаараа бичиж, оруулан шалгах
158989 тусгай дугаарт англи цагаан толгойн үсгээр регистрийн дугаараа бичиж илгээн шалгах
1072 хувьцаа мэдээллийн төвтэй 1800-1072 утсаар холбогдон асуух боломжтой.
Хэрэв хувьцаа эзэмшигч мөн бөгөөд Төвлөрсөн хадгаламжид данс нээгээгүй бол Брокерын компанид хандан хувьцааны арилжаааны данс нээлгэх хэрэгтэй. Ингэснээр хувьцаагаа өөрийн дансандаа байршуулах байгаа юм байна. Брокер диллерийн компани гэдэг нь хөрөнгийн зах зээлийн буюу хувьцааны арилжаанд оролцоход зуучлах мэргэжлийн байгууллагыг хэлнэ.

Монголд үйл ажиллагаа явуулж байгаа брокерын компаниудын талаар мэдээллийг авахдаа

Htt://mse.mn/mn/brokers/78 хаягаар жагсаалтыг харах
Монголын хөрөнгийн биржэд хандан зөвлөгөө авах
Брокерийн компани сонгоход анхаарах зүйлс

Тогтмол үйл ажиллагаа явуулдаг эсэхийг лавлах
Үйл ажиллагаа явуулсан жил туршлагын талаар асуух нь чухал

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.