2019-02-19 08:55

Нийлэг уутнаас татгалзахыг уриалж байна

access_time 2019-02-19 08:55

Ирэх сарын 1-ээс эхлэн Монгол Улсын Засгийн Газраас 0,035-ээс нимгэн бүх төрлийн нэг удаагийн нийлэг уутны хэрэглээг хориглосон тухай мэдээллийг аймгийн Байгаль орчин, аялал жуулчлалын газраас ард иргэдэд хүргэж байна. Тодруулбал, нийлэг хальсан уутыг худалдаа, үйлчилгээнд сав, баглаа боодлын зориулалтаар импортлох, үйлдвэрлэх, хэрэглэхийг хориглож байгаа аж. Харин бүх төрлийн 0,035 мм буюу 35 микроноос зузаан гялгар уутыг дахин ашиглах боломжтой тул хэрэглээнд үлдээсэн байна.

“Хуулинд нийцээгүй сав, баглаа боодол ашигласан тохиолдолд Зөрчлийн тухай хуулийн 6.1-д заасны дагуу хувь хүнийг 300 нэгж, хуулийн этгээдийг 3000 нэгжтэй тэнцэх хэмжээний төгрөг буюу 300 мянгаас 3 сая хүртэлх төгрөгөөр торгох арга хэмжээ авах юм. Иймээс иргэд та бүхэн маань байгаль болон хүний эрүүл мэндэд сөрөг нөлөө, хор уршиг ихтэй нийлэг гялгар уутнаас татгалзаж даавуун уут хэрэглэж занших хэрэгтэй байна” хэмээн аймгийн БОАЖГ-ын дарга Б.Батбаяр хэллээ.

АНХААРУУЛГА: Уншигчдын бичсэн сэтгэгдэлд mgltimes.com хариуцлага хүлээхгүй болно. mgltimes.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.